نرخ نه‌فت وه بوونه‌ى ئه‌مريكاوه داوه‌زێ
2018-09-03T08:48:00+00:00
شه‌فه‌ق نيوز/ نرخ نه‌فت وه بوونه‌ى زيايبوين ده‌سميه‌ته‌يل له ئۆپيك و وڵاته‌يل يه‌كگرتگ داوه‌زێ، يه‌يش مه‌ترسى ئه‌وه په‌ياكرد ك داوه‌زين به‌رهه‌م ئيران كاريگه‌رى داشتوود له‌بان بازاڕه‌يل ته‌نيا وه تونه‌وكردن سزايه‌يل ئه‌مريكى له ته‌شرين دويه‌م.
نرخ نه‌فت خام تيكه‌ڵ وه برنت هه‌ر به‌رميليگى ره‌سيه 77.43 دۆلار، ئه‌ويش وه داوه‌زين 21 سه‌نت ك ئه‌كاده 0.3 له‌سه‌د، يه‌يش له‌وه‌ختيگ نرخ نه‌فت خوه‌رئاواى تكساس هه‌ر به‌رميليگه ره‌سيه 69.62 وه‌داوه‌زين 18 سه‌نت ك ئه‌كاده 0.3 له‌سه‌د.
وه‌ل ئه‌وه‌يشا به‌رهه‌م ليبى زياێ كردگه له‌وه‌ختيگ ك هه‌ناردنه‌يل نه‌فت باشوور عراق شماره‌يگ په‌يمانه‌يى جيوه‌جى كرد.
