نرخ دولار روێ له به‌رزترين ئاست كرد
شه‌فه‌ق نيوز/ نرخ دۆلار وه‌ره‌و به‌رزترين ئاست چى وه‌رانوه‌ر ركاربه‌ره‌يل سه‌ره‌كيى، يه‌يش له وه‌ختيگ جنه‌ى ئه‌سته‌رلينى و يۆرۆ نزمه‌و بوێ وه بوونه‌ى مه‌سه‌له‌ى ده‌رچگن بريتانيا له يه‌كێتى ئۆرپا.
دۆلار ك پێوه‌ر كار دراو ئه‌مريكى ئه‌كا وه‌رانوه‌ر سه‌س دراو سه‌ره‌كى به‌رزه‌و بوى، وه زياتر له 0،5 له‌سه‌د و ئه‌را 97،42 يه‌يش ئاستيگه له 2017ه‌و تائيسه، نرخ دۆلار وه دريژايى چوار هه‌فته يه‌ك له‌شوون يه‌ك به‌رزه‌و 0،4 له‌سه‌د له هه‌فته‌ى گوزه‌يشت به‌رزه‌و بوێ.
مه‌ترسيه‌يل جيابوينه‌وه‌ى ئۆرپى كاريگه‌رى كرده بان دراو يه‌كگرتگ ك 0،7 له‌سه‌د داوه‌زێ ئه‌را 1.1257 دۆلار ك يه‌يش كه‌مترين ئاسته له يۆنيۆ 2017 تائيسه و له‌وه‌رانوه‌ر يه‌ن يابانى دۆلار 0،3 له‌سه‌د به‌رزه‌و بوێ و له تازه‌ترين مامڵه‌ى 114.18 يه‌ن تۆمار كرد.
نرخ پويل ئه‌سته‌رلينى نزيكه‌ى يه‌ك له‌سه‌د داوه‌زێ له‌وه‌رانوه‌ر دۆلار 1.2855 دولار تۆمار كرد و له وه‌رانوه‌ر يۆرۆيش ئه‌سه‌لينى 0،3 له‌ده‌سداو نزمترين ئاست تۆمار كرد له هه‌فته‌يگ و ره‌سيه 87.73 بنس.
