نرخ تەڵا بەرزەوبوی وەگەرد رخداری لە کەمەوبوین بەهای دۆلار

شەفەق نیوز ـ وەدویاچگن

نرخ تەڵا، ئمڕوو پەنجشەممە، بەرزەوبوی، وەگەرد وەردەوامبوین رخداری لە کەمەوبوین بەهای دۆلار، لەوەختیگ بازاڕەیل چەوەڕێی قسەی سەرۆک ئەنجوومەن فیدڕاڵی یەدەک ئەمریکا کێڤین وارش کەن، ئەرا پەیاکردن نیشانەیل لەبان  ئاراستەی نرخەیل سود.

تەڵای دەستوەجی 0.8% بەرزەوبوی و رەسیە 4630.09 دۆلار ئەرا هەر ئۆنسیگ، لەوەختیگ گرێبەستەیل ئایندەی تەڵای ئەمریکا 0.7% بەرزەوبوی و رەسیە 4685.50 دۆلار.

بازاڕەیل چەوەڕێی قسەی وارش لە سیمینار جاکسۆن هۆڵ کەن، وەگەرد وەردەوامبوین هەڵئاوسان بەرزی ئەمریکا، چوینکە هەڵئاوسان ساڵانە لە مانگ تەموز وە جویریگ نەخوازیاگ جیگیر بوی و زیاتر لە ئاست ئامانج فیدڕاڵی یەدەک کە 2%ە مەن، و ئەرا 65مین مانگ وەردەوامبوی.

 هەمیش،  نوقرە 1.7% بەرزەوبوی و رەسیە 69.28 دۆلار ئەرا هەر ئۆنسیگ، پلاتین 1.1% بەرزەوبوی و رەسیە 1848.57 دۆلار، و پالادیۆم 0.5% بەرزەوبوی و رەسیە 1334.49 دۆلار.