نرخه‌يل نه‌فت جه‌هانى روێ له به‌رزه‌وبوين كرد
2018-03-05T11:58:00+00:00
شه‌فه‌ق نيوز/ نرخه‌يل نه‌فت جه‌هانى له ده‌مه‌و شه‌وه‌كى ئمڕوو روێ له به‌رزه‌وبوين كرد، ئه‌ويش وه‌رجه دانيشتن ناونى ئوپيك و كومپانيايه‌يل نه‌فتى ئه‌مريكى له هيوستون، ك يه‌يش پيشبينى ئه‌وه له‌لى ئه‌كريه‌ێد به‌رهه‌مهاوه‌ره‌يل نه‌فت مه‌سه‌له‌ى چوينێتى قوتاربوين له‌و نه‌فت زيايه‌ى نمايشكرياگه له بازاڕه‌يل جه‌هانى تاوتوێ بكه‌ن.
هه‌ر وه‌گووره‌ى ئه‌وه‌يش نرخ هه‌ر به‌رميليگ له نه‌فت خام برنت 44 سانت به‌رزه‌و بوى ك ئه‌كاده 0،68 له‌سه‌د و ره‌سيه 64،81 دۆلار و نرخ خام خوه‌رئاواى تكساسيش 41 سانت به‌رزه‌و بوى ك ئه‌كاده 0،67 له‌سه‌د و هه‌ر به‌رميليگى ره‌سيه 61،66 دۆلار.
جى باسه، بڕياريشه وه‌زيره‌يل نه‌فت له ئۆپيك و لايه‌نه‌يل تر نه‌فت جه‌هانى له هيوستون دانيشتنيگ ساز بكه‌ن وه‌ل ده‌سوه‌پيكردن گه‌وراترين كۆنگره له دروسكردن وزه.
