پنتاگۆن وەگەرد جیوەجیکەرەیل 11ی ئەیلول رێک کەفێد: دان وە تاوانەگە بنەێد تا سێدارە نەیریەن

رێککەفتنەگە وەرد محەمەد و دوو هاوکارەگەی بریتییە لە یەکلاکردن دۆسیە کوینەیل کە ساڵانیگە لە چەوەشارەکی وەرجە دادگاییکردن گیر خواردگە، لەوەختیگ نوومەتبارەیل لە بنکەی سەربازی گوانتانامۆ لە کوبا گیر هاتنە، وەرەو رەسین وە چارەسەر.  

پنتاگۆن لە بەیاننامەیگ وت: “مەرج و ڕێسا تایبەتەیل ڕێککەفتننامەیل وەرجە دادگاییکردن لەی وەختە لەوەردەس ڕای گشتی نیین”.

ئی جویرە پێشنیازەیلە ساڵ گوزەشتە لەلایەن داواکارەیل گشتی لە نامەیگ وە هویردی باس کریان، بەڵام خیزان نزیکەی سێ هەزار کەس کە لە پەلامارەیل 11ی ئەیلول 2001 کوشیانە، بەشیگیان هیمان خوازن توومەتبارەیل بکەفنە سەختترین سزا.

رووژنامەی نیویۆرک تایمز لە زار وەرپرسەیل پنتاگۆن کە ناویان ئاشکرا نەکریاس وتن؛ خالید شێخ محەمەد کە توومەتبارە وە پلاندانان ئەرا پەلامارەگە و دوو دەسگیرکریاگ ترەک وەگەردی لە زیندان گوانتانامۆ، لە وەرانوەر سزای زیندانی هەتاهەتایی  لەبانی چەسپیا لەجیای وەسێدارەدان.

رووژنامەگە وت؛ ئارۆن ڕۆگ، داواکار گشتی سەرەکی لە نامەیگ ئەرا ئەندامەیل خیزان قوربانیەیل پەلامارەیل ١١ی ئەیلول راگەیان کە “لە وەرانەور نەهیشتن ئەگەر چەسپیان سزای لەسێدارەدان، سێ توومەتبارەگە ڕێککەفتن لەبان دانپیدانان وە گشت ئەو تاوانەیلە کە لە وەپی توومەتبار کریانە، وە کوشتن ٢٩٧٦ کەس”.

 ئەو سێ توومەتبارە لە ساڵ 2003ەو دەسوەسەرن، خالید شێخ محەمەد ئەندام ریخریاگ قاعیدە بویە و ئەمەریکا توومەتباری کەێد وە پلاندانەر سەرەکی پەلامارەیل 11ی ئەیلول وەبان ناوەند بازرگانی جەهانی لە نیویۆرک و باڵەخانەی پنتاگۆن لە  دەورگرد واشنتۆن.