کۆڕۆنا.. یەکەم درمان خواردەنی
شەفەق نیوز/ پسپۆڕەیلیگ دووپات کردن ک ئەو حەپ دەرمانەیلە ک وەی نووە ئەرا خاسەوکردن لە ڤایرۆس کۆڕۆنا پەیا کریاگە، شیوەی بازیەگە لە نواگردن پەتاگە ئاڵشت کەێد، باوجی نێوودە جیگریگ ئەرا واکسینەگە ک هەر جۊر خاسترین چارە مێنێد ئەرا کۆتایی هاوردن وە پەتاگە.
پسپۆڕەیلیگ لە چین تەندروسی دەسخوەشی لە راگەیانن کۆمپانیای ( میرک ) کردن ک دەرمان ڤایرۆسەگە توانای کەمەوکردن خوازین تۊشهاتگەیلە ئەرا خەسەخانە و مردن وە ئاست ٥٠ لەسەد دیرێد.
سکوت گولتیب مفوەز وەرین وەڕیەوبردن خوەراک و دەرمان ئەمریکی، ئەرا تووڕ سی ئێن ئێن وت: توانای وەکارهاوردن ئی دەرمانە وەگەرد واکسینەگە هەس، باوجی نێوودە جیگر واکسینەگە، وتیش؛ هیمان بایەتە تەقەلای دابەشکردن کەسەیل فرەیگ بیەیمن.
گولتیب وتیش؛ دەرمان ڤایرۆسەگە ئەرا ئەوانەگ بخوازن واکسینەگە نەیەن گونجیاگە، و هەمیش ئەرا ئەوانەگ دۊیای وەرگردن واکسینەگە تۊش ڤایرۆسەگە تیەن.
پسپۆڕە تەندروسیەگە مەزەنە کەێد ک وەرگردن حەپ دەرمانەگە وە دەم ئەرا نواگردن زیایبۊن ڤایرۆسەگە، بوودە ئاڵشتکردن راسسیگ ئەرا بازیەگە.
