ناڕەزایەتییەیل ئیستەنبوڵ: هەزار و ١٣٣ ناڕەزا دەسگیرکریان و ١٢٣ پۆلیسیش زەخمدار بوین

شەفەق نیوز/ عەلی یەرلی کایا، وەزیر ناوخۆی تورکیا، ئمڕوو دووشەممە، 2017/11/2016 ڕاگەیان، لە ماوەی پەنج رووژ زیاتر لە هەزار و 100 ناڕەزا لە تورکیا دەسگیرکریان، و 123 پۆلیسیش لە خوەینشاندان ئیستەنبوڵ زەخمدار بوین. 

وەگورەی ئاژانس "ئاپا"، کایا لەبان هەژمار سۆشیال میدیای خوەی نویسان: "لە ماوەی پەنج رووژ خوەینشاندان لەبان بە لێکۆڵینەوە وەردەوامەیل گەندەڵی و تیرۆر دژوە شارەوانی ئەستەنبوڵ، هەزار و 133 کەس دەسگیرکریان". 

 ئەو وەزیرە وتیش 

: ئەو خوەینشاندانە کە وەردەوەردە ناوەین پۆلیس و ناڕەزایەیل وەخوەی دی بویە هوکار زەخمداری 123 ئەفسەر پۆلیس تورکیا.

وتیش: "هیمان ریکارەیل یاسایی لەبان دەسگیرکریاگەیل وەردەوامن، وەتایبەت ئەوانەگ پەلامار پۆلیس دانە و زیان وە موڵک گشتی رەساننە، و ئاشکرای بویین کەسەیلیگ پەیوەندیدار وە 12 ریخریاگ تیرۆریستی جیاواز لەناو دەسگیرکریاگەیل ئاشکرابویە".

وەرجەیە، دەسەڵاتدارەیل ئیستەنبوڵ، چەسپانن سنووردارکردن هاتن و چگن پارێزگاگە ڕاگەیانن، یەیش لە وەختیگ کە ناڕەزایەتی لەو شارە وەردەوامە.

دەسەڵاتدارەیل ئیستەنبوڵ ئویشن: “هاتن و دەرچگن ئەرا ئیستەنبوڵ و هاتن ئەرا ئەو کەس و گروپ و ماشینەیلە قەیەغە کریەێد کە هاتی وە تاک یا بڕەو چالاکیی نایاسایی ئەنجام بیەن”.

 لە ٢٠ ئازارەو لە گۆڕەپان ساراتشانە لە نزیک بینای شارەوانی و  لە چەن شاریگ ترەک تورکیا، خوەینشاندان پشتیوانی لە سەرۆک شارەوانی دەسگیرکریای ئیستەنبوڵ، ئەندام پارت گەلی کۆماریخواز ئۆپۆزسیۆن ئەکرەم ئیمام ئۆغڵو وەردەوامە.