ناڕەزایەتیەیل بەنگلادیش ناچار شێخە حسێنە کەێد وەرەو هندستان بواێد
سەرچەوەگە کە ناو خوەی ئاشکرا نەکرد، وت: خانمە سەرۆک وەزیرەیل خوەی و خوەشکەی لە بارەگای فەرمی سەرۆکایەتی وەزیرەیل لە پایتەخت وەرەو شوینیگ ئارامتر دەرچگن، وتیش: خوازیە وتاریگ توومار بکەێد، وەلێ دەرفەت نەیاشت.
رووژنامەیگ ناوخوەیی وت: خانمە سەرۆک وەزیرەیل بەنگلادیش وە هیایکۆپتەریگ سەربازی روی وەرەو هندستان کرد، و تووڕ سی ئێن ئێن وت: شێخە حسێنە دەسکیشان پیشکەش کرد.
فرانس پرێس لە زوان میدیایل ناوخوەیی وت: هەزاران لە ناڕەزایەیل پەرد بوینە ناو بارەگای خانمە سەرۆک وەزیرەیل لە دەکا، و یەکیگ لە گەورە یاوەرەیل شێخە حسێنە وت: هاتێ دەسلەکار بکیشێد، وەلێ نیەزانم چوین.
یەکەمین ئامار لەی ناڕەزایەتیەیلە رەسیە ٣٠٠ کوشیان لەلای کەمەو.
شێخە حسێنە لە ساڵ ٢٠٠٩ تا ئیسە حکومڕانی بەنگلادیش کەێد، و لە هەڵوژاردن کانوون دویەم گوزەشتە سەرکەفتن هاورد.
لە مانگ گوزەشتە، ناڕەزایەتی و تونەڕەوی لە بەنگلادیش دەسوەپی کرد، دویای ئەوەگ بڕیگ خوەنەوار داوای پویچەڵکردن سیستەم بەشبەشەکی لە دامەزریان حکومەتی کردن، و رەسیە خوەینشاندان و داوای لاوردن حسێنە.
