ناو سەرکردەیل حزبولڵای لوبنان کە وە گورزەیل ئیسرائیل کوشیانە
شەفەق نیوز/ راپۆرتەیل ڕووژنامەوانی ناو ئەو شەش وەرپرس باڵا ئاشکرا کردن کە پۆستەیل سەرەکی لە حزبولڵا داشتنە و لە گورزەیل زایۆنیستەیل کوشیانە.
وەگورەی ئەو ڕاپۆرتەیلە، “ئیسرائیل 496 ئەندام حزبولڵا کوشتگە، لەناویان شمارە وەرپرس باڵا کە چەن ساڵیگ لە پۆستە سەرەکییەیل حزبەگە کار کردنە، لە 8ی ئۆکتۆبەرەو تا ئیسە”.
دویەکە جمعە، حزبولڵا کوشتن سەرکردە ئیبراهیم عەقیل یەکسگ لە دامەزرێنەرەیل حزبولڵا و ئەحمەد مەحمود وەهبی فەرماندەی ئۆپەراسیۆنەیل هیز رەدوان لە ساڵ 2024ەو ڕاگەیان لە پەلاماریگ ئیسرائیل وەبان باشوور بەیروت.
لە پەلامارەگەی بان باشوور بەیروت لە ٣٠ تەمموز گوزەشتە ئیسرائیل فواد شوکر سەرۆک ئەرکان حزبوڵا کوشت.
لە ٣ی تەمموز ئمساڵ، محەمەد نیعمە ناسر کە نازناوی “ئەبو نیعمە”س یەکیگ لە سەرکردەیل باڵای حزبوڵڵا لە لوبنان و فەرماندەی یەکەی “عەزیز”، لە پەلاماریگ لە شار سوور کوشیا.
لە 12ی حوزەیران، سامی تالیب عەبدوڵڵا، ئەبو تالیب، کە فەرماندەی یەکەی ئەلنەسر حزبوڵڵا بوی کە وەرپرس کەرت خوەرهەڵات باشوور لوبنان بوی، کوشیا.
لە ٨ی کانوون دویەم ئمساڵ ئیسرائیل لە گورزیگ وەبان ناوچەی خربەت سلم لە باشوور لوبنان، سەرکردەیگ باڵای حزبوڵڵای لوبنان وە ناو ویسام ئەلتەویل کە یەکیگ بوو لە دامەزرێنەرەیل یەکە نەختینەیل حزبەگە کوشت.
