ناسنامه‌ێ جيوه‌جيكار په‌لاماره‌يل مانشسته‌ر ئاشكرا بوێ
2017-05-23T20:52:00+00:00
شه‌فه‌ق نيوز/ پۆليس بريتانى جه‌خت له‌وه كرد و وت: جيوه‌جيكار په‌لاماره‌گه‌ێ شار مانشسته‌ر ك بويه هووكار كوشيان و زه‌خمداربوين ده‌يان كه‌س ناوى سه‌لمان عوبێدى بويه.
قسه‌كه‌ر وه‌ناو پۆليس بريتانى وت: ئه‌و په‌لامارده‌ر خوه‌يكوشه 22 ساڵان بويه‌و رووژنامه‌ێ ده‌يلێ تليگراف بريتانييش له‌زووان وه‌رپرسه‌يل ئاسايشى ئه‌وه ده‌رخست ك عوبێدى كوڕ دو په‌نابه‌ر ليبيه‌و له‌ساڵ 1994 له مانشسته‌ر هاته‌سه دونياو دايگ و باوگيشى له ترس رژيم معه‌مه‌ر قه‌زافى روێ له بريتانيا كردنه.
جى باسه، ئيان هوبكينز سه‌ركرده‌ێ پۆليس مانشسته‌ر له كۆنگره‌يگ روژنامه‌گه‌رى وت: باوه‌ڕمان ئه‌وه‌سه له‌ى قوناغه ئه‌و په‌لاماره يه‌ك كه‌س ئه‌نجامى داگه له‌ڕێ ته‌قاننه‌وه‌ێ مين له‌و ئاهه‌نگه ئى كار دڕندانه ئه‌نجام بيه‌ێد.
