ناسنامه‌ى په‌لامارده‌ره‌گه‌ێ"مانهاتن" ئاشكرا كريا
2017-11-01T09:08:00+00:00
شه‌فه‌ق نيوز/ سه‌رچه‌وه‌يل ره‌سانن ئه‌مريكى باس له‌وه كردن ك ناسنامه‌ى گومانليكرياێ له رويداگه ترۆريستيه‌گه‌ێ "مانهاتن" ئاشكرا كرياگه ك بويه هووكار كوشيان 8 كه‌س و زه‌خمداركردن 12 كه‌س تر.
له‌ى باوه‌ته‌و، نيويۆرك پۆست ئه‌مريكى وت: ئه‌و سه‌رچه‌وه‌يله ئه‌وه ده‌رخستنه ك ئه‌و گومانليكرياگه ناسرياگه وه سه‌ريفوڵڵا سايبوف و بنه‌چه‌كى ئۆزبه‌كيه و ته‌مه‌نى 29 ساڵه و نيشته‌جى ولايه‌ت فلۆريداس و له‌ساڵ 2010 له ئۆزبه‌كستانه‌و هاته‌سه وڵاته‌يل يه‌كگرتگ.
جى باسه، ده‌سڵاته‌يل ئه‌مريكييش ئاماژه وه ئه‌وه كردن ك وه‌ره‌قه‌يگ نويسرياێ وه زووان ئنگليزى دينه‌سه‌وه‌و باس له‌وه كردگه ك ئه‌و گومانليكرياگه ئه‌و روێداگه ئه‌نجام داگه وه‌ناو ريكخرياگ ترۆريستى داعش.
