یەمەن.. کوشیان 63 کەس لە ئەنجام رۊوەڕۊبۊنەوەیل سەربازی لە تەعز
شەفەق نیوز- سەنعا
ئاژانس رووژنامەوانی فەرەنسی، رووژ شەممە، لە زوان لە سەرچەوەیل سەربازی و پزیشکی، خەوەردا لە کوشیان 63 کەس، لەناویانیش مەدەنییەیل، لە رۊوەڕۊبۊنەوەیل ناوەین هیزەیل حکومی یەمەنی و گرووپ حووسی لە پارێزگای تەعز.
سێ سەرچەوەی سەربازی حکومی یەمەنی ئاشکرا کردن، کە "26 سەرباز کوشیان مەوقەی ریگریکردن لە پەلامارەیل حووسییەیل لە بەرەیل مەقبەنە و جەبەل حەبەشی و بەرح لە خوەرئاوای تەعز لەماوەی سەعاتەیل گوزەشتە".
لەلای خوەیەو، سەرچەوەیل پزیشکی و سەربازی نزیک لە حووسییەیل خەوەر دان لە کوشیان 31 جەنگاوەر لە رزەیلیان، وەپای ئاژانس رووژنامەوانی فەرەنسی.
هەمیش سەرچەوەیگ پزیشکی لە شار تەعز دووپات کرد لە کوشیان 6 مەدەنی وە مدوو پەلاماریگ موشەکی کە پاسیگ کردە ئامانج کە سواری بۊن.
سوپای یەمەنی، ئیوارەی دۊکە جمعە، راگەیان کە فڕۆکەوانی جەنگیی زیاتر لە 15 پەلامار ئاسمانی ئەنجام داگە کە بنکەیل و گردەوبوینەیل و ئامێرەیل سەربازی گرووپ حووسی کردە ئامانج لە بەرەیل کەناراو خوەرئاوا لە هەردوگ پارێزگای تەعز و حودەیدە.
یەیش هاوەخت تیەێد وەگەرد رەسین هیزەیل پاڵپشتی سەربازی گەورایگ ئەرا هیزەیل حکومی، لە لیوایەیل عەمالیقە و قەڵغان نیشتمان، ئەرا دەورگرد ناوچەیل رۊوەڕۊبۊنەوەگە ئەرا پاڵپشتیکردن هیزەیل سەربازی لە حودەیدە و تەعز.
