مەی گەن دروسکریاگ ژەهرخوەر ئیرانیەیل کەێد
![مەی گەن دروسکریاگ ژەهرخوەر ئیرانیەیل کەێد](https://media.shafaq.com/media/arcella/1689402335798.jpeg)
وەگورەی رووژنامە ئەمریکییەگە، ئیران کە مەی قەیەغە کەێد، رووژانە نزیکەی 10 ژەهراویبوین وە کحول توومار کەێد، کە پەیوەندی وە خواردن بەرهەمە گەن دروسکریایەیل دیرێد، وەپەی ئامارە فەرمییەیل راپۆرتە هەواڵییە ناوخوەیەیل.
ئیران لە ساڵ 1979ەو فرووشتن و نووشین مەی قەیەغە کردیە، بەبان ریسگایل شەریعەت ئیسلامی کە سەرخوەشی قەیەغە کەێد، یاسای ئیران نووشین مەی وە تاوان زانێد و سزای 80 قەمچی و باج لەبانی چەسپنێد.
رووژنامەی نیویۆرک تایمز باس مردن هونەرمەندیگ وەناوبانگ ئیرانی کردیە کە مانگ گوزەشتە دویای ئەوەگ بوتوڵیگ عەرەق نووشیە کە ڤۆدکایگ ئیرانییە و لە کشمش دروس کریەێد.
رووژنامەگە وتیش: ئەو هونەرمەنە، خسرەو حەسەنزادە، تەمەن 60 ساڵ، دویای چەن ساعەتیگ لە نووشین ئەو "عەرەق"ە ک لەماڵەیل دروس کریایە، وەرچەوی سیەوە بویە، و شەوەکی ئی رووژەگە، لە ئەنجام ژەهراویبوینی وە میتانۆل دیەی نیەمینێد.
ئەرا فرەیگ لە خەڵک ئیران، ئەو مردنەیلە نموونەی ئەوەن کە چوین یاسا ئایینیەیل کۆمار ئیسلامی هاووڵاتیەیل ئاسایی چەوسنێد، و دەس خەێد ناو ژیانی کەسییان.
ناسر تەیمور پوور، ک برادەر هونەرمەنە مردگ ئیرانیە، لەبان تویتەر نویساتی؛ "خسرەو لەوەر فەوتیان ئازادی کۆمەڵگا لەدسمان چگ".
وەرپرسەیل ئیران وە ئاشکرا ئویشن کە لەی ماوەی دویاییە ژهراوبوین فرەوە بویە، و مەهدی فروزەش سەرۆک پزیشکی دادوەری لە تەهران لە کۆنفرانسێگ رووژنامەوانی لە حوزەیران ساڵ گوزەشتە راگەیان کە شمارەی بیماری و گیانلەدەسدان لە خەسەخانەیل و گیانلەدەسدان لەوەر ژەهراویبوینی میتانۆل وە شیوەیگ وەرچوو بەرزەو بویە وتیش؛ تەنیا لە تەهران، ژەهراویبوین وە کحول لە سەرەتای مانگ ئازار گوزەشتە وە ئاست ٣٦.٨% زیای کردیە.