مەغریب.. ئامار نوویگ ئەرا قوربانیەیل زەویلەرزە ویرانکەرەگە
![مەغریب.. ئامار نوویگ ئەرا قوربانیەیل زەویلەرزە ویرانکەرەگە](https://media.shafaq.com/media/arcella/1694525421325.jpg)
2023-09-12T13:30:37+00:00
شەفەق نیوز/ وەزارەت ناوخوەیی مەغریب، ئمڕوو سێشەممە، راگەیان کە ئامار نوو ناکۆتایی مردنەیل لە ئەنجام ئەو زەویلەرزە کە داد لە وڵاتەگە رەسیە ٢٩٠١ کەس، و شمارەی زەخمدارەیل رەسیە ٥٥٣٠ کەس.
وەزارەتەگە وتیش: شمارەی مردنەیل رەسیە ١٦٤٣ کەس لە هەرێم حوز، و لەو ناوچە و هەرێمەیل هویچ مردن نوویگ توومار نەکریا.
وتیش؛ دەسەڵاتەیل گشتی وەردەوامن لە تەقەلای رزگارکردن و دراوردن زەخمدارەیل، و وازکردن ئەو ریەیلە کە لە ئەنجام زەویلەرزەگە بڕیانە، و ئامادەباشی وەگشت توانا ئەرا چارەکردن جیماگەی ئی کەلەمەی زیاندارە.
لە هەشت ئەیلوول ٢٠٢٣، زەویلەرزەیگ وەتونی ٧ پلە لەبان پەیمانەی ریختەر، داد لە چەن ناوچەیگ لە وڵات مەغریب.