کۆمپانیایگ ئیرانی دەسکەێدە هەناردەی ماشین ئەرا عراق
2023-06-25T12:25:48+00:00
شەفەق نیوز/ کۆمپانیای "كرمان موتور"، جویر یەکەمین کۆمپانیای کەرت تایبەت دروسکردن ماشین لە ئیران، ئمڕوو یەکشەممە، دەسکردن وە هەناردەی ماشین J4 ئەرا عراق راگەیان، و دیاری کرد ک یەکەم بار هەناردەی لەی ماشینە لە هەفتەی گوزەشتە کل کریا.
سامان فەیروزی وەڕیەوبەر جیوەجیکار کۆمپانیای "كرمان موتور"، لە پارێزگای کرمان باشوور خوەرھەڵات ئیران ئەوە ئاشکرا کرد، وەگورەی بڵاوکردن ئاژانس "مهر" خەوەری نیمچە فەرمی ئیران.
فەیروزی وتیش: عراق یەکەم لای هەناردەکردنە ئەرا ماشینەیل "كرمان موتور"، و ئەوەسا رووسیا و دەوڵەتەیل ئەندام لە دامەزراوەی دەوڵەتەیل سەروەخوەی و باکوور ئەفریقا بوونە دویەم لاییگ ئەرا هەناردە.
ماشین J4 ، یەکەم ماشینە ک لە بەرهەمەیل کۆمپانی "كرمان موتور" ئەرا عراق هەناردەی کریەێد.
دیاری کرد ک لەماوەی ئی ساڵە، هەناردەی چوار هەزار ماشین کریەێد، لەناویان مارکەی J4 وەشیوەیگ سەرەکی، وەگەرد ماشینەیلیگ ئەرا دەوڵەتەیل جیاجیا.
