"ميلتون رخدار" تونەو بوود و هەڕەشەی فلۆریدا دەێد
2024-10-09T06:37:45+00:00
شەفەق نیوز/ هاز زریان میلتون، لە دویەکە سێشەممەو بەرزەو بوود و رەسیە بەرزترین ئاستی، کە تونی واگەی رەسیە 270 كلم/س، و ئاگاداری کریا کە وەرەو ویلایەت فلۆریدا چوود.
وەگورەی ناوەند کەشناسی ئەمریکا، مەزەنە کریەێد ئیوارەی ئمڕوو چوارشەممە رەسێدە کەناراو خوەرئاوای ناوڕاس فلۆریدا، و وەگەرد رەسینی تونترەو بوود.
مەزەنە کریەێد شەو چوارشەممە - پەنجشەممە برەسێدە هشکایی فلۆریدا.
جۆ بایدن سەرۆک ئەمریکا هوشداری دادە خەڵک ئەو ناوچەیلە لە فلۆریدا کە کەفتنەسە ژیر هەڕەشەی زریانەگە، کە ئەوەسە کەفنە وەر بەدترین زریان لە وەرجە سەدەیگ تا ئیسە.
