ميريگ سعودى وه يه‌ك مليار دۆلار ئازاد كريا
2017-11-29T10:09:00+00:00
شه‌فه‌ق نيوز/ وه‌رپرسيگ سعودى ئاشكراى ئازادبوين مير متعب بن عه‌بدوڵڵا كرد دوياى ره‌سين ئه‌را ريككه‌فتنيگ په‌سه‌نكرياێ وه‌ل ده‌سڵاته‌يل ئه‌و وڵاته وه داين فيشتر له يه‌ك مليار دۆلار.
له‌ى باوه‌ته‌و، ئه‌و وه‌رپرس به‌شداره له هه‌ڵمه‌ت دژ گه‌ناته‌كارى وت: مير متعب دوياى ره‌سين ئه‌را ريككه‌فتنيگ په‌سه‌نكرياێ ئازاد كرياگه ك باوه‌ڕ ئه‌وه‌سه وه فيشتر له يه‌ك مليار دۆلار ئازاد بويه.
جى باسه، مير متعب رووژانيگ سه‌رۆكايه‌تى پاسه‌وان نيشتمانى كرد، له‌ناونى ئه‌و ده‌يان ئه‌ندامه‌يل بنه‌ماڵه‌ى فه‌رمانڕه‌وا و وه‌زيره‌يل و وه‌رپرسه‌يل ئيسه‌و ئه‌وسايينه بوى ك ده‌سوه‌سه‌ر كريا له چوارچيوه‌ێ هه‌ڵمه‌يگ له‌بان گه‌ناته‌كارى.
