مووشەکییگ چینی وەرەلا هەڕەشە وە کارەساتیگ دەێد
شەفەق نیوز/ یە سێیەم جارە وەماوەی ساڵیگ، وڵات چین مووشەکیگ وەشانە ئاسمان، و لەدەسی دەرچگ، ک ئی کارە رخ جەهان زیای کرد، لەناو مەزەنەیل کەفتنی وەبان زەوی، کی زانێد لە کام شوین؟.
پارەکە، هەمیش مووشەک چینی لەدەس دەرچگ، باوجی خوەشبەختانە کەفتە ناو زەریای هندی وەبی زەرەد وە کەسیگ.
ئی مووشەک نووە، وەناو "لونج مارش 5 بی" کیشەگەی رەسێدە نزیکەی ٢١ تەن، و رووژ یەکشەممەی گوزەشتە وەرەو چووڵی ئاسمان وەشیایە.
شایەت ئەو مووشەک چینیە هەنای دووارە ئەرا تووکڵ زەوی گلەو بخوەێد وەتەواوی نەسزیەێد، ئمجا بکەفێدە بان زەوی، ولەشوین نادیاریگ، و وە تونی فرە گەورەیگ، وەگورەی رووژنامەی "دەیلی مەیل" بەریتانی.
زانا و پسپۆڕەیل ئویشن: جیماگەی مووشەکیەگە ک کێشی رەسێدە ٢١ تەن لە ویستگەی ئاسمانی وینتیان مەنە جی، ک رووژ یەکشەممە وەشیا، و وەگەرد ویستگەی تیالنگوگ ئاسمانی وەبیوەی بەسیا.
وەگەرد ئەوەیش، پسپۆڕەیل ئویشن: ئەگەریگ وەنزیکەی ١٠% هەس ک یەکیگ یا زیاتر لە قوربانیەیل لە دە ساڵ بانان بکەفێد، ک یە سێیەم جارە وڵات چین بیلێد مووشەکیگ وەرەلا بکەفێدە بان زەوی.
