مووشەکیگ چینی فڕۆکەخانەیلیگ لە ئیسپانیا بەسێد
شەفەق نیوز/ راپۆرتەیلیگ رووژنامەوانی باس کردن ک چەن فڕۆکەخانەیگ لە ئیسپانیا ئاسمانیان بەسان، ئەوەیش لەوەر لەدەسدەرچین مووشەکیگ چینی.
رووژنامەوانی دەیلی مەیل بەریتانی وت: کاروانەیل هامشو پەرشەلۆنە و تاراگوا وئیبیزا و ڕوس هاوریانە خوار، و راپۆرتەیلیگ باس ناوچەیلیگ ئەوروپایی کردن جویر لاریۆخا وکاستیا و لیون، ک ئەوانیش کەفتنەسە ئەو کاریگەرییە.
ئی ریکارەیل مقەیەتیە وەخاتر سەڵامەتی کاروانەیل ئاسمانی ئەرا ماوەی چل خوەلەک درویژە کیشا، و بەشیگ مەزەنە کردن ک ناوچەی ئیبیزا تا ماوەی سێ ساعەت ئاسمانی بوەسێد.
دویای ئەوە، ئاسمان ئیسپانیا وەشیوەیگ سروشتی واز کریا، ک ئاشکاری شمارەی ئەو کاروانەیلە نەکریا ک لەوەر گیچەڵ مووشەک چینی پەکیان کەفتیە.
لە ناوچەی مورسیا، کاروانیگ روی وەرەو لەندەن پایتەخت بریتانیا کرد، نزیکەی یەک ساعەت پەکی خریا، تا لەدویای ئەوە رەوشەگە سروشتیەو بوی.
قسەکەر ئاژانس مقەیەتیکردن شارستانی لە ناوچەی کاتالۆنیا وت: لەوەر مەترسیەیل رەدبوین لەشیگ ئاسمانی لە ئاسمان ئیسپانیا، ئەراوە گشت کاروانەیل ئاسمانی کەفتنە وەر ریکارەیل و سیانیان، هەرلە ساعەت ٩ و ٣٨ خولەک تا ساعەت دە و١٨ خوەلەک شەوەکی.
لە رووژ دووشەممەی گوزەشتە، وڵات چین سێیەمین و دویاترین مووشەک لە ئۆپەراسیۆن ویستگەیگ ئاسمانی وەشان.
پسپۆڕەیلیگ دیاری کردن ک ئەو مووشەک ٢٣ تەنیە، لە دەس دەرچگە، و نزیکە بکەفێدە زەوی، وتنیش: هاتێ بکەفێدە ئیسپانیا.
