ملياردێريگ ناودار سعودى وه‌ تومه‌ت گه‌ناته‌كارى ده‌سوه‌سه‌ر كريا

شه‌فه‌ق نيوز/ وه‌رپرسيگ گه‌وراى سعودى ئه‌وه‌ ده‌رخست ك مير ئه‌لوه‌ليد بن ته‌ڵاڵ ملياردێر سعودى خاوه‌ن كومپانياى ئه‌لمه‌مله‌كه‌ ئه‌لقابزه‌ ده‌سوه‌سه‌ر كرياگه‌ و په‌يجورى وه‌ليا ئه‌كريه‌ێد له‌لايه‌ن ليژنه‌ى تازه‌ى دژه‌ گه‌ناته‌كارى.

ئه‌و وه‌رپرسه‌ ك نه‌تواس ناوى ئاشكرا بدێ وت: ئبراهيم ئه‌لعه‌ساف وه‌زير وه‌رين داراييش ده‌سوه‌سه‌ر كرياگه‌ ها زه‌مه‌ت په‌يجوريكردن.

جى باسه‌، دويه‌كه‌ شا سه‌لمان بن عه‌بدولعه‌زيز ئال سعود ئاشكراى دامه‌زرانن ليژنه‌يگ باڵاى تازه‌ كرد ئه‌را له‌ناوبردن گه‌ناته‌كارى وه‌ سه‌رۆكايه‌تى محه‌مه‌د بن سه‌لمان وه‌لى عه‌هد سعودى.