ئەمریکا.. گیان لەدەسدان دەیان کەس وە مدوو شەپوول سەرما
2024-01-20T13:02:11+00:00
شەفەق نیوز/ شەپوول سەرمای توونیگ و داوەزیان پلەی گەرمی لە ئەمریکا لە ماوەی هەفتەی گوزەشتە ناوچەگە گردیەسەو وەپای میدیا ناوخوەیەیل لە ئەنجام 50 کەس گیان لەدەسدانە.
پلەی گەرمی فرە نزمیگ و وای یەخیگ و چینە ئەستوورە یەخیەگان بویەسە هووکار رویداو هاتوچوی و گیان لەدسدان، تێکچین گەشتەیل ئاسمانی و بەسیان مەکتەوەیل و کارەبا بڕیان.
وەرپرسەیل تەندروسی لە باشوور ویلایەت تێنس گیانلەدەسدان 14 کەس وەمدوو سەرما و کەشوهەواو پشتڕاس کردنە، لەهەمان وەخت 5 کەسیش وە رویداو هاتوچوی گیان لەدسدانە.
وەپای میدیا ناوخوەیەگان ویلایەت ئیلینۆیس، کانزاس، نیو هامپشایر، نیویۆرک، ویسکۆنسێن و واشنتۆن چەندین کەس ترەک گیان لەدەسدانە.
