ئەمريكا.. کوشیان و زەخمداری 39 کەس وە ئاگر لەناو ماڵ گەورە تەمەنەیل

شەفەق نيوز- وەشوینکەفتن 

 9 کەس گیانیان لەدەسدان، و  30 کەسیش لەلای کەمەو زەخمدار بوین، لە ئەنجام هیزگردن ئاگریگ لەناو ماڵ مقیەتیکردن گەورە تەمەنەیل، ئمڕوو دووشەممە، ئەوەیش لە ناوچەی فول ريڤەر لە ویلایەت ماساتشوستس ئەمریکا.

وەڕیەوبەرایەتی دەزگایەیل نواگیریکردن ئاگرەیل لە ویلایەتەگە وت: تیمەیل تەقەلای کپەوکردن ئاگرەگە دانە لەناو ماڵ پیرەیل گابریێل هاوس لە فول ریڤەر.

وتیش: تیمەیل خوەیان لە وەرانوەر دویکەڵ نەسیم و بڵویزەی ئاگر لە روی ئەو بینا دین، لە وەختیگ کەسەیلیگ لەناوی گیر هاتوێن.

نزیکەی 70 کەس لەناو ئەو ماڵە هەن، وەگورەی راپۆرتەیل رووژنامەوانی، و شەوەکی ئمڕوو ئاگرەکە کپەو کریا، و تیمەیل توەنستن بچنە ناوەو چەن کەسیگ رزگار بکەن.

 فرە لەو کەسەیلە ئەرا خەسەخانەیل ناوخوەیی و هەرێمی بریان، و دەسەڵاتەیل وتن: 5 لە کەسەیل ناو تیمەیل تویش زەخمداری سووکیگ بوینە.