مرافەیگ رەسێدە کوشیان پاسەوانێگ لە باڵیۆزخانەی قەتەر لە پاریس
![مرافەیگ رەسێدە کوشیان پاسەوانێگ لە باڵیۆزخانەی قەتەر لە پاریس](https://media.shafaq.com/media/arcella/1653306659727.jpeg)
شەفەق نیوز/ رووژنامەی "لۆ باریزیان" فەرنسا، لە زوان سەرچەوەیلیگ لە پۆلیس فەرنسا، ئمڕوو دووشەممە، وت: کەسیگ لەناو باڵیۆزخانەی قەتەر لە پاریس کوشیا، و وکەسیگیش دەسگیر کریا.
"فرانس برس" لەزوان سەرچەوەیگ نزیک لە پۆلیس پاریس وت: پاسەوانیگ لە باڵیۆزخانەی قەتەر لەپاریس، شەوەکی دووشەممە، کوشیا، و بکوشەگەی دەسگیر کریا.
سەرچەوەگە وتیش: مرافەیگ وەرجە ساعەت هەفت شەوەکی کەفتە ناوبەین هەردوگ پیاوەگە لەوەردەم باڵیۆزخانەگە.
پۆلیس خەوەردا ک هیمان هویردەکاری مردن پاسەوانەگە نەزایاگە.
ولێکوڵینەوە لە رویداویگ کوشتن واز کریا، و ئاشکرایش نەوەیە ئەگەر بوکوشەگە چەک وەکار هاوردیە.
رۆیتەرز لە سەرچەوەیگ لە پۆلیس فەرنسا وت: ئەو رویداوە ک یەکێگ لە پاسەوانەیل ئەمنی لەناوی لوشیا، دیارە ک وەنیاز تیرۆر نەویە.