مانگ ئەیلوول گوزەشتە گەرمترین بویە لەجەهان
2023-10-10T08:01:01+00:00
شەفەق نیوز/ روانگەی كۆپرنیکۆس ئەوروپی ئاشکەرایکرد، مانگ ئەیلوول گوزەشتە گەرمترین بویە کە تا ئیسە لەبان ئاست جەهان توومار کریاوێد .
وەپای روانگەگە ناوەن گەرما روی هەسارەگە لەو مانگە رەسیە ئەرا 16.38 پلەی سەدی یەیش "دەگمەن بی پیشینەس" چوینکە وە 1.75 پلەی سەدی زیاترە لە پلەی گەرمای مانگ ئەیلوول ساڵەیل (1850-1900).
لەهەمان وەخت روانگەگە لە راپۆرپتیگ مانگانەی ئاشکەرایکردیە، تێکرای پلەی گەرما لە جەهان لەسەرەتای ئمساڵەو وە 1.4 پلەی سەدی زیاترە لە وەرجە شۆڕش پیشەسازی.
