لەوەر دیاردەی "نینۆ".. نەتەوە یەکگرتەیل هوشداری لە شەپول گەرمای سەختیگ دەێد
جۆن نایرن، راویژکار باڵای کاروبار گەرمای فرە لە ریخریاگ کەشناسی جەهانی ئویشێد: سەختی ئی دیاردە وەردەوام بوود لە زیایبوین و بایەسە جەهان خوەی ئەرا شەپول گەرمای تونتر ئامادە بکەێد.
ئەو وەرپرسە لە نەتەوە یەکگرتەیل وتیش؛ "دیاردەی نینۆ کە لەی دواییە رایگەیانیە، تەنیا بوودە مدوو زیایبوین ئی شەپولەیل گەرمی تونە".
"یەکیگ لەو دیاردەحیلە کە باسی کردیمنە ئەوەس کە شمارەی شەپول گەرمای هاووەخت لە نیم باکوور زەوی لە ساڵەیل هەشتایل سەدەی گوزەشتە شەش ئەوەنە زیایکردنە و هویچ نشانەیگ نییە کە ئی دیاردە وەرەو دویا بچوود".
نایرن لە قسەیلی وتیش "ئەراوە رخم چوود ک نەڕسیمنەسە کۆتایی گیچەڵەگە، و ئی شەپولەیلە کاریگەری رخبەریگ لەبان تەندروسی ئایەم و ژیانیان داشتوود، ئەرک گشتیە کە پلان ئەرا نواگیریکردن گەرمای فرە بنەن".
لە ئەمریکای باکوور و ئاسیا و باکوور ئەفریقا و دەریای ناوڕاس مەزەنە کریەێد لەی هەفتە پلەی گەرمی لە ٤٠ پلەی سەدی رەد بکەێد.
شارەزاییل هوکار ئاڵشتبوین کەشوهەوا گلەو دەن ئەرا ئەو گازەیلە ک گەرمی گیر تیەرن و نیەلین بەشیگ لە تیشک خوەرەگە وەرەو ئاسمان دەرچوود، و هەر لەروی زەوی مینێد، و ئەوەسە ک وەپی ئویشن (نینۆ).
