لە هاتای دویتیگ خەون وە زەویلەرزە دوینێد و خوەی لە قات دویەم خەێدە خوار
2023-03-19T07:05:43+00:00
شەفەق نیوز/ لە شار هاتای تورکیا، دویەتیگ خەون وە زەویلەرزە دوینێد مەوقەی تێدە خەوەر لەخوەیەو راسییە و لە قات دویەم خوەی فرەدەێدە خورەو و گیان لە دەسدەێد.
داڵگ دویەتەگە ئەرا میدیایل راگەیانن وتیە " عائیشە دویای زەویلەرزەگە ترس لە دڵی بویە، ئیمەیش لە دویای ئەو رووژەو لە یەک وتاق مەنیمن، نزیکەی ساعەت 3.30 شەفەق بوی لەناکاو دویەتەگەم لە خەو هەڵسیا وت: زەویلەرزەس با بچینە دەێشت".
داڵگەگە وتیش؛ وە دویای دەوکردم نەتوەنستم ریگری لەلی بکەم لە قات دویەم خوەی خستەخوارەو، هەنای نووڕیمە خوارەو دوینم دویەتەگەم مردیە، هاوار بردمە هاوسایەیلیم بڕەسنەپیم".
