لەناویان 3 ناوچەی عراقی هەس.. 15 ناوچە بەرزترین پلەی گەرمی لە جیهان توومار کەن

شەفەق نیوز ـ وەدویاچگن

داتایەیل چەودێری هەوای جیهانی، ئمڕوو پەنجشەممە، نیشان دەن ،15 ناوچە لە لیست بەرزترین پلەی گەرمی توومارکریاگ لە ئاست جیهان لە ماوەی 24 ساعەت گوزەشتەس، کە سێ ناوچەی عراق لەناویانن.

ئەتابۆ لە لاوس لە بان لیستەگە هات، دویای توومارکردن 52.4 پلەی سەدی، مەهران ئیران وە 49.8 پلەی سەدی، و قەیروانی تونس وە 49.7 پلەی سەدی لە دویای هاتن.

ناسریەی عراق لە پلەی چوارەم جیهان هات، وە پلەی گەرمی 49.6 پلەی سەدی، دویای ئەو فڕۆکەخانەی ناودەوڵەتی کوەیت  پلەی پەنجەم وە 49.4 پلەی سەدی هات.

لە پلەی شەشەم طارف لە جەزائیر وە 49.3 پلەی سەدی، دویای ئەو بوشقوفی جەزائیر هات، و باجەی تونس لە پلەی هەشتەم وە 49.2 پلەی سەدی هات.

رەفاعی عراق لە پلەی نۆیەم جیهان هات وە پلەی گەرمی 49.2 پلەی سەدی، لەوەختیگ دەهلرانی ئیران لە پلەی دەیەم وە 48.8 پلەی سەدی هات، دویای ئەو خانەقین عراق وە هەمان پلەی گەرمی هات.

عەبدان ئیران لە پلەی دوانزەیەم هات وە 48.6 پلەی سەدی، دویای ئەو عەنابەی جەزائیر وە 48.6 پلەی سەدی، و  بەهبەهان ئیران لە پلەی چواردەیەم وە 48.4 پلەی سەدی هات.

عەمادیەی ئیرانیش لە لیستەگەی وە پلەی پانزدەیەم هات و کۆتایی وەپیهاورد، دویای ئەوەگ 48.4 پلەی سەدی توومارکرد.