لە ماوەی دوو رووژ شەپوول گەرمی کۆتایی وە ژیان 52 کەس تیارێد لە هیندستان
![لە ماوەی دوو رووژ شەپوول گەرمی کۆتایی وە ژیان 52 کەس تیارێد لە هیندستان](https://media.shafaq.com/media/arcella/1718871954858.jpg)
2024-06-20T08:26:06+00:00
شەفەق نیوز/ رووژنامەی "تایمز ئۆف ئێندیا"، ئمڕوو پەنجشەممە، راگەیان شەپوول گەرمی توونیگ دەێد لە باکوور هیندستان وە لای کەم کۆتایی وەژیان 52 کەس تیارێد لە نیودلهی پایتەخت، لە وەختیگ کە وڵاتەگە بەرزەوبوینیگ پەیمانەیی لە پلەی گەرمی ئێ تاوسانە توومارکرد.
رووژنامەگە وتیش، 52 تەرم ئەرا خەسخانەیل رەسیە لەماوەی دوو رووژ وەرین کە فرەیگیان مەردمەیل بی دەسڵات و نەدارن لە شوینەیل ئاشکەرا کەن.
هیندستان لە ماوەی ئێ تاوسانە زیاتر لە 40 تویشهاتن وە خوەر و 110 حالەت مردن توومارکرد و دووپاتکرد لە سەرەتای مانگ مارس تا 18 یونیو، ناوچەیل باکوور خوەرئاوا و خوەرهەڵات هیندستان شەپوول گەرمی تونیگ دوو ئەوەنە لە پلەی ئاسایی توومارکرد.