لە سەرەتای جەنگەگەو تا ئیسە 17 هەزار مناڵ لە غەزە بی سەرپەرشت بونە
2024-02-03T13:41:38+00:00
شەفەق نیوز/ نویسینگەی مرۆیی نەتەوە یەکگرتگەیل نیگەرانی خوەی نیشاندا لەباوەت جەنگ، و رێکخریاگ یونیسێف ئاماریگ رخبەر لەباوەت مناڵەیل غەززە ئاشکەراکردیە.
جێنس لارکێ،قسەکەر نویسینگەی نەتەوەیەکگرتگەیل ئەرا هەماهەنگی ماف مرۆڤ راگەیاندیە، لەو دوو ملیۆن 300 هەزار کەسەی غەززە ئاوارەبوینە، زیاتر لە نیمەیان لە چادرگەیل وەختانە و بیناگشتیەگان پەنابردنە هویچ خزمەتگوزاریگ لەناویان نییە.
لەباوەت مناڵەیلیش وتیش: ئاژانس نەتەوەیەکگرتگەیل تایوەت وە مناڵەیل (یونیسێف) مەزەنەکردیە 17 هەزار مناڵ لەغەززە بی سەرپەرشت مەننە یان لە خێزانەگانیان دابڕیانە.
هەمیش دیاریکردیە، لەوەر ئەو بارودۆخە نزیکەی گشت مناڵەیل غەزە هەوەجە وە پشتیوانی تەندروسی دەروینی کەن.
