لە ساڵ ١٧٠٨ەو لەژیر ئاو نقوم بویە...پلانیگ کۆڵۆمبی ئەرا دراوردن "گەنجینەی" دەریای کاریبی

گام یەکەم لێکۆڵینەوەی زانستی بن ئاوەیل لەبان کەشتیە نوقمبویەگە زانیاری گردەو کەێد ئەرا دیاریکردن پارچەی گونجیاگ و توانای دراوردنی کە کەشتییە لەناوچیەگە ٦٠٠ مەتر (نزیکەی ٢٠٠٠ پا) ها بن دەریا.

 کۆڵۆمبیا لە ساڵ ٢٠١٥ شوین هووم کەشتیەگە دەسنشان کرد، بەڵام لەو وەختەو نوقم بویە لە ناکۆکی یاسایی و دیپلۆماسیە و شوینەگەی نهێنی دەوڵەتییە.

حکومەت ئویشێد؛ ئمساڵ نزیکەی 4.5 ملیۆن دۆلار ئامادە کەێد ئەرا مینەکردن ئەو کەشتییە گەشتیارییە کە 62 تووپ دیرێد و 3 ماستەک و لە ساڵ 1708 نوقم بویە دویای ئەوەگ لەلایەن فەوجیگ ئینگلیزەو کوڵە لەلی گیریاس هەناێ وەرەو ری کارتیهانێ چگە.

ئالێنا کایسێدۆ فێرناندێز، وەڕێوەبەر گشتی پەیمانگای شویەنەوار و میژوو کۆڵۆمبیا لە لەناو سیمیناریگ دویەکە جمعە لە شار کارتیانا لەبان کەشتیەگە وت: ئەرا گام یەکەم لێکۆڵینەوەگە، حکومەت کۆڵۆمبیا لەنیازی نییە بچوودە ناو هاوبەشییەگە وەرد کۆمپانیا تایبەتەیل.

 گەشتەگە لە وەرزی وەهار دەسوەپی کەێد، وەگورەی رەوشەیل کەشوهەوا.

هێرمان لیۆن ڕینکۆن، پسپۆڕ ئۆقیانووس و دەریاوانی دەریایی ئەرا رووژنامەنویسەیل وت: ئەرکەگە بریتییە لە نوقمکردن ئامێر ڕۆبۆتی کە وە کەشتییگ دەریاییەو بەسیاس، وە وەکارهاوردن کامێرا و تووماریگ هویرد لە جویلەیلی، ڕۆبۆتەگە خریەێدە پەیوەندی وەرد مانگە دەستکردیگ کە کەفێدە خولگەی جیۆستاسیۆنی.