لیرەی تورکی کەێد ئەرا ئاست پەیمانەیی نوویگ داوەزێد

شەفەق نیوز - ئەنقەرە

لیرەی تورکی لە وەرانوەر دۆلار ئەمریکی، رووژ دووشەممە، داوەزیان توومار کرد، تا یەکیگ لە نزمترین ئاستەیل خوەی لەبان گشتی توومار بکەێد، وەرد وەردەوامبۊن فشارەیل لەبان دراو ناوخۆیی لە سای بەرزەوبۊن رێژەیل هەڵاوسان.

 زانیارییەیل بازاڕ ئاڵوگۆڕکردن دراو بەرزەوبۊن دۆلار نیشان دان ئەرا نزیکەی 50.18 لیرەی تورکی، وە وەراورد وەرد نزیکەی 50.14 لیرە لە کۆتایی مامەڵەیل جمعەی گوزەشتە، دۊای ئەوەگ رەسیە ئاست 50.19 لیرە.

 دراو تورکی نزیکەی 19% لە بایی خوەی لە وەرانوەر دۆلار لە ماوەی دوانزە مانگ گوزەشتە لەدەس دا، لە وەردەوامبۊن رێڕەو داوەزیان کە تەکانیگ وە نرخ ئاڵوگۆڕکردنەگە نا تا لە وەربەس 50 لیرە ئەرا هەر دۆلاریگ رەد بوود لە ماوەی تشرین دۊەم ئیسە.

 ئی داوەزیانە دۊای ئەوە تیەێد کە بانک ناوەندی تورکی نرخ سوود سەرەکی وە بڕ یەک خاڵ سەدی نزمەو کرد ئەرا 36% لە تشرین یەکەم گوزەشتە، لە وەختیگ زانیارییە فەرمییەیلە بەرزەوبۊن رێژەی هەڵاوسان ساڵانە ئەرا 29.77% نیشان دان لە ماوەی هەمان مانگ، لە وەرانوەر 29.73% لە ئەیلول گوزەشتە.