لە دیمەشق تەقینەوە کەسیگ کوشێد و زەرەد ماشینەیلیگ رەسنێد
2024-05-25T07:53:37+00:00
شەفەق نیوز/ سەرچەوەیل، ئمڕوو شەممە، خەوەردان لە کوشیان کەسیگ وە تەقیان بۆمب وە ماشینەگەی لە ناوچەی مزە لە دمەشق پایتەخت سوریا.
سەرچەوە سوریگ لە فەرماندەیی پۆلیس دیمەشق دووپاتکرد کەسیگ کوشیاس لە ئەنجام تەقیان بۆمبیگ لە ناوچەی مەزەت.
لاپەڕەیل بان تووڕەیل کۆمەڵایەتی راگەیانن، وەپای زانیاری سەرەتایەیل، تەقینەوەگە لە نزیۆ مەکتەو "بکری قدورەت" بویە لە ناوچەی مەزەت هەمیش بویەسە هووکار سزیان ئەو ماشینەیلە لە شوین رویداوەگە بوین.
ئاژانس خەوەری سوری "سانا" وینەی سزیان3 ماشین بڵاوکرد کە لە شوین تەقینەوەبوین.
سەرچەوە: RT - سانا - پەڕەیل تووڕە کۆمەڵایەتیەیل.
