لەدویای تویشهاتن سەدان کەس چین پلان دانەێد ئەرا کۆنترۆلکردن ئاوڵەی مەیمون
لیژنەی تەندروسی نیشتیمانی لەبەیاننامەیگ راگەیان، بیماری ئاوڵەی مەیمون چوودە ژیر پۆلین (ب) لە چوارچمگ پرۆتۆکۆل ئێ پۆلینە مامەڵە وەگەردی کریەێد.
لەژیر ئی پۆلینە، بایەسە چین پیلانیگ دەسوەجی دابنەێد جویر قەیەغەی کووبوینەوە و یا وسانن دەوام کار و مەکتەو یا بەسیان بڕیگ شوین کە ئەو پسایە لەناوی بڵاوبویە.
پۆلین (ب) بیماری درەمیل کوڤید ١٩ و ئایدز و هەوکردن تونیگ دەزگای هەناسداین (سادس) گرێدەخوەی.
لیژنەگە وتیش: " زیاتر لە 20 ناوچە لە چین پسای تویشهاتن وە ئاوڵەی مەیمون توومارکریایە لەمەوقەی توومارکردن یەکەم پسای لە ٢٠سپتەمبەر ٢٠٢٢ تا سەرەتای بڵاوبوین تویشهاتنەگە لەناوخوەی وڵات لە یونیو ٢٠٢٣، بویە هووکار وەردەو بڵاوبوین بیماریەگە و گواستنەوەی درمەگە".
ناوەن چینی ئەرا رویوەرویبوینەوەی بیماریەیل و خوەپارێزی وت لە ٨سپتەمبەر راگەیان چین لە ئۆگەست 501 تویشهاتن نوو وە ئاوڵەی مەیمون توومارکردیە وەبی ئەوەگ هویچ حالەتیگ مەترسیدار یان مردن تووماربکریەد.
رێکخریاگ تەندروسی جەهانی لە مانگ مایۆ راگەیان ئاوڵەی مەیموون وە یەکیگ لە پسایەیل لەناکاو تەندروسی جەهانی دانانریەد.
