لەباوەت ئۆمیكرۆن تەندروسی جەهان راگەیانن بڵاوكرد
شەفەق نیوز/ ریخریاگ ته‌ندروسی جەهان راگەیان ک ئۆمیكرۆن، نووترین تیره‌ی ڤایرۆس كۆرۆنایە، توان بڵاوبۊین زیاتر له تیره‌ی ده‌لتا دیرێد و تۊەنێد كاریگه‌ری ڤاكسینه‌یلە سنووردار بکەێد، باوجی نیشانه‌یلی سووكتره.
لەی بارە ریخریای ته‌ندروسی جەهان بڵاوکرد، تا ئیسە ئۆمیكرۆن له 63 وڵات بڵاو بۊیە، ئیسفا ئه‌وه كریایه خێراتر له هه‌ریه‌ک له باشوور ئه‌فریقیا و به‌ریتانیا بڵاو بۊیە، رێكخریاگه دووپاتكرد ک كه‌می زانیارییه‌یلە له‌باره‌ی ئه‌و تیره‌ی نووە بۊیەسە مدووی ئەوەی نێزانرێد هووکار زۊی بڵاوبۊین ئەرا كاریگه‌ر نەۊین سیستم وه‌رگری له‌شه یان زیادبۊین توانای بڵاوبۊین یان هه‌ردگیان.
باس لەوەیشکرد، ک به‌ڵگه سه‌ره‌تاییه‌یلە ئۊیش ئۆمیكرۆن بوودە مدووی كه‌مبۊین كاریگه‌ری ڤاكسین له‌دژ بڵاوبۊین و توانای تۊشكردن ڤایرۆسه‌گه، هه‌ر وەگورەی زانیارییه‌گان ئه‌گه‌ر فرەیگ دیرێد له رۊی بڵاوبۊین بکەفێدە نوای تیرەی دەلتا.
