لەبان قەیەغەگان کۆڕۆنا .. هیمان گیرهاتن گەرمی بەرزەوبوود
![لەبان قەیەغەگان کۆڕۆنا .. هیمان گیرهاتن گەرمی بەرزەوبوود](https://media.shafaq.com/media/arcella/1599919436554.jpeg)
شەفەق نیوز/ راپۆرتیگ لە نەتەوە یەگرتوەگان ئاشکراکرد ک کەڵەکەی گازەگان ک بوونە هووکار لە سیمای گیرهاتن گەرمی لە تووکڵ ئاسمانی زەوی، رەسیە بەرزەوبوینیگ پەیمانەیی، تەنانەت جوولەی ئابووریەگە لەوەر بڵاوبوین پەتای کۆڕۆنا کاریگەرییگ نەیاشت لەبانی.
وەگورەی راپۆرتەگە، داوەزینە تیژەگە، بەڵکم کوڵ ماوەگە، لە دەرچگن گازەگان لە وەختیگ گوزەیشتەی ئی ساڵە، تەنیا رێژەی کەمیگ لە کەڵەکەی گازەگان کەمەوکرد، ک هووکارە لە سیمای گیرهاتن گەرمی.
بیتری تالاس سکرتێر گشتی رێکراو جهانی ئەرا رەوانگەی ئاسمانی سەروە نەتەوە یەکگرتوەگان وت: کەڵەکەی گازەگان ک هووکارن لە سیمای گیرهاتن گەرمی ک وەڕاسیوە رەسێدە بەرزترین ئاستەگانی لە سێ مەلیۆن ساڵ، وەردەوامە لە بەرزەوبوین. وەگورەی رۆیتەرز.
هەرچەن دەرچگنە رووژانەی گازەگان لە نیسان وەگورەی ١٧ لەسەد کەمەوبوی وەرانوەر ساڵ گوزەیشتە، بەڵکم هیمان ئی دەرچگنەیلە جوور ئاستەیل ٢٠٠٦ کەڵەکە بوون، ک ئاماژەدەێد وە ئاست بەرزەوبوین گازەگان لە ١٥ ساڵ گوزەیشتە