لەبان بوودجە.. پەرلەمان سێنیگال بوودە مەیدان گورمیچە و کورسی وەشانن.. ڤیدیۆ
شەفەق نیوز/ پەرلەمان سێنیگال جەنگیگ وە دەس لە مەوقەی دەنگدان لەبان ئەو بوودجە وەخوەی دی ک ئەوەسا ئەرا وەزارەت داد ساڵ ٢٠٣٢ دیاری کریەێد.
پارچە ڤیدیۆیگ لەلایەن رووژنامەی "لۆ بارزیان" فەڕەنسی بڵاو کریا، نشان دەێد ک خانمە پەرلەمانتار "ئیمی ندیای" کەفێدە وەر دەسوەشانن وەلایەن یەکیگ لە پەرلەمانتارەیل ئۆپۆزسیۆن.
لەلای خوەییش، ندیای وە کورسییگ پەلامار پەرلەمانتارەگە دا، تا ئاژاوەیگ لەناو دانیشتنەگە هەڵسێد، و پەرلەمانتارەیل وە گورمیچە بوەشکیەنە یەکتر، وەرجە دویاخستن دانیشتنەگە.
رووژنامەگە لە زوان میدیایل راگەیانن سێنیگالی وت: ندیای لەورا ئەو دەسەیلە ک لەناو دانیشتنەگە لەلی دریا بریا خەسەخانە.
ژاوەژاویگ زیایەو بوی لەناوبەین سیاسەتمەدارەیل دەسەڵاتدار و ئۆپۆزسیۆن لەوەختیگ حزب دەسەڵاتدار لە هەڵوژاردن پەرلەمان دویایین دەنگەیلی لە دەسدا.
دەسوەشانن لە ندیای بیزارییگ لەلای کۆمەڵەیل ژنانە لە وڵاتەگە پەیا کرد، ک وسیانیگ شەرمەزارکردن ڕێک خریا، و فرە کەسیش لەناو سۆشیال میدیا تویڕەیی خوەیان نشان دان.
