له 24 سه‌عات گوزه‌يشت 865 كه‌س وه كۆرۆنا له وڵاته‌يل يه‌كگرتگ گيان له‌ده‌سدانه
شه‌فه‌ق نيوز/ له ماوه‌ى 24 سه‌عات گوزه‌يشت 865 كه‌س وه ڤايرۆس كۆرۆناى تازه له وڵاته‌يل يه‌كگرتگ گيان له‌ده‌سدانه، ئه‌ويش له به‌رزترين ئاماريگ رووژانه له‌و وڵاته جوور ئه‌وه‌گ زانكۆى جۆنز هۆبكنز ئاماژه وه‌پيكرد.
زانكۆگه ك جوور سه‌رچه‌وه‌يگ له‌باره‌ى چه‌وديرى تويشهاتن و مردن وه ڤايرۆس كۆرۆنا، وت: شماره‌ى ئه‌و كه‌سه‌يله ك له‌وڵاته‌گه تويش وه‌و ڤايرۆسه هاتنه و مردنه تا ئمڕوو ره‌سيه‌سه 3873 كه‌س، له‌وه‌ختيگ ك شماره‌ى تويشهاتگه‌يل ره‌سيه‌سه 188172 كه‌س.
جى باسه، ئاشكراكردن ئى شماره‌يشه دوياى چه‌ن سه‌عاتيگ له وشداريه‌گه‌ى دۆناڵد تره‌مپ سه‌رۆك ئه‌مريكا هات ئه‌را هاووڵاتيه‌يلى وه ئه‌وه‌گ تويش دو هه‌فته‌ى فريه له ناڕه‌حه‌تى بوونه‌و له‌باره‌ى ڤايرۆس كۆرۆنا ك قوربانى فريه‌يگ له‌لى ئه‌كه‌فێده‌و وه‌تايبه‌ت له نيويۆرك ك سه‌رچه‌وه‌ى ڤايرۆسه‌گه‌س له وڵاته‌گه.
