پەلامارەیل ئیران وەبان باشوور ئیسرائیل نووەو بوون.. ١٥ زەخمدار لە تەل ئەبیب

شەفەق نیوز - خوەرھەڵات ناوەڕاس

پەلامارەیل ئیران، ئمڕوو یەکشەممە، ئەرا بان ناوچەیل باشوور ئیسرائیل نووەو بۊنەو، وەگورەی ئەو بڵاوکردن میدیایەیل عیبری، لە هەمان وەختیش سەرچەوەیل وەرگری شارستانی دیاری کردن ک زەخمدارەیل نوویگ توومار کریانە دویای پەلامار ئەرا بان ناوچەیل ترەک لە ناوەند.

رووژنامەی "تایمز ئۆف ئیسرائیل" لە زار سوپای ئیسرائیل بڵاو کرد ک "پەلاماریگ لە ئیرانەو وە مووشەکەیل بالیستی ئەرا بان ناوچەی ئیلات" نووەو کریاس.

بەرەی ناوخوەیی ئیسرائیل، وەپەی رووژنامەگە، دووپات کرد ک وەشانن مووشەک لە ئیرانەو وەرەو ئیلات و ناوچەیل دەورگردی هاتگە، ک بۊە مدوو کوتیان فیکەی هوشداریداین لەو ناوچەیلە.

 وەگەرد یەیش، ئیسرائیل راگەیان ک تیمەیل فریاکەفتن "15 زەخمدار هەڵگردنە ک وەمدوو پەلامار مووشەکی ئیران ئەرا بان ناوەند تەل ئەبیب زەخمدار بۊن".