لافاوه‌گه‌ێ تكساس 30 كه‌س كوشت و 13 هه‌زار قورتار بوينه
2017-08-30T09:37:00+00:00
شه‌فه‌ق نيوز/ شماره‌ێ كوشياگه‌يل ولايه‌ت تكساس ئه‌مريكى له ئاكام لافاوه‌گه ك روێ له ولايه‌ته‌گه كرد ره‌سيه 30 كه‌س و قورتاربوين فيشتر له 13 هه‌زار كه‌س تر.
ده‌سڵاته‌يل ئه‌و ولايه‌ته له‌ى باوه‌ته‌و ئه‌وه ده‌رخستن ك تائيسه‌يش كاره‌يل قورتاركردن مه‌ردم له ناو ماڵه‌يليان وه‌ره‌وامه، وه‌لێ له هه‌مان وه‌خت قه‌يه‌غه‌ێ هامشوويش كرياگه له شار هيوستن ك فيشتر زه‌ره‌دمه‌ن بويه له تكساس، ئه‌ويش له‌وه‌ر ئه‌وه‌گ دزێ و تاڵانى نه‌كه‌فێده‌و.
جى باسه، وه‌رجه رووژه‌يليگ واران فريه‌يگ وارێ و لافاو گه‌ورايگ له‌لى كه‌فته‌وه‌و روێ كرده ولايه‌ت تكساس و رويوه‌ر فراوانيگ له باشوور خوه‌رهه‌ڵات ولايه‌ته‌گه ويران كرد.
