١٧٩ كوشياگ مناڵیش هاناویان لە قوربانیەیل رووژگگردن تا بچنە بەهەشت لە کینیا
2023-05-13T05:28:31+00:00
شەفەق نیوز/ پولیس کینیا ٢٩ تەرم تریش لە چوارچیوەی مینەکردن وەردەوامی لە قوربانیەیل مەزهەبیگ ئاینی دراورد، ک لەو مەزهەبە خوەیان کوشن تا قورتار بوون، ئەوەیش لە باشوور کینیا.
تا ئیسە ئامار کوشیاگەیل رووژگردن ئەرا رەسین وە بەهەشت رەسیە ١٧٩ کەس.
دەسەڵاتەیل بەس هەفتە مینەی روفات لەناو قەورەیلیگ کردن ک کەم قویل کریانە، لەناو گشت شوینەیل دارسان شاکاهولا، و وەمینەی کەسیگ زنی، ک سەدان کەس بیسەروشوین هەس.
دادگای کینیا لە رووژ چوارشەممەی گوزەشتە رازی نەوی بۆل ماکینزی ریبەر کلیسای گود نیوز ئەنتەرناشیناڵ وە کەفالەت مەرقەز بکەێد، ک توومەتبارە وە دەرکردن فەرمان ئەرا لایەنگرەیلی ک وەرسگ خوەیان و مناڵەیلیان بکەن تا بمرن و بچنە بەهەشت.
لایەنگرەیل ئی مەزهەبە لە ناوچەیلیگ دابڕیاگ لەناو دارسانیگ خوەرھەڵات کینیا گوزەران کەن.
وەگورەی رۆیتەرز، ئمڕوو شەممە، جاریگتر دەسوە مینەکردن تەرمەیل کریەێد.
ئەو کابرا ک قەورەیل دەرەو دەێد ک داوا لە رۆیتەرز کرد ناوی ئاشکرا نەکەێد، وت: تا ئیسە ١٢ مناڵ لەناو ئەو تەرمەیلە پەیا کریاگە.
