قەرەباغ بوودە شار فریشتە
2023-10-03T13:15:04+00:00
شەفەق نیوز/ راپۆرتەیلیگ ناودەوڵەتی، ئمڕوو سێشەممە، وتن کە پایتەخت هەرێم (ناغورنو قەرەباغ) هەکاتی شار فریشتە وەپی هاتیە، دویای ئەو کووچبەریە لەلای خەڵکەکەی.
وەرپرسیگ لە کەسەی ناودەوڵەتی خاج سوور وت: پایتەخت ناغورنو قەرەباغ تەنیا سەدان کەس لە دانیشتگەیلی مەنیە، لە بیمار و پەککەفتگ و پیرەیل، و باس ئەو جادەیل چووڵە وە (سیریالی) کرد.
مارکۆ سوچی سەرۆک تیم دەسەی ناودەوڵەتی خاج سوور لەناو ڤیدیۆییگ لە پایتەخت قەرەباغ کە وەناو ستیباناکیرت ناسریاس وت: لە ئەرمینیا و خانکندی لە ئازەربایجان، شارەگە ئیرنگە وەتەواوی چووڵە.
وتیش؛ خەسەخانەیل کار نیەکەن، تیمەیل پزشکی چگنەسەڕی، ئەراوە سیماگە سیریالیە وە تەواوی.
