"قارچگ ژه‌هراوى" 15 ئيرانى كوشت و زياتر له هه‌زار نه‌خوه‌ش كرد
2018-05-22T07:30:00+00:00
شه‌فه‌ق نيوز/ نزيكه‌ى 15 كه‌س گيان له‌ده‌سدان و زياتريش له هه‌زار كه‌س نه‌خوه‌ش كه‌فتن له‌ئاكام ژه‌هراويبوين له ئيران دوياى خواردن قارچگ ژه‌هراوى له ماوه‌ى چه‌ن هه‌فته‌يگ له‌ى دوياخره.
له‌ى باوه‌ته‌و، ماڵپه‌ڕه‌يل ئه‌لكترۆنى سه‌ر وه ته‌له‌فزيۆنه‌يل فه‌رمى ك شه‌فه‌ق نيوز ئاگاداريان بوێ وتن: زياتر له 100 كه‌س جيواز كريانه ئه‌را نه‌خوه‌شخانه له‌ئاكام ژه‌هراويبوين.
ئه‌و ماڵپه‌ڕه‌يله باس له‌وه‌يش كردن ئه‌و حاڵه‌ته‌يل ژه‌هراويه دابه‌ش بوينه له‌ناونى شماره‌يگ له پاريزگايه‌يل خوه‌رئاواى ئيران و ئيسه‌يش ده‌سڵاته‌يل ئيرانى وشدارى دا له‌باره‌ى سه‌ندن يا خواردن قارچگ ده‌يشت.
