فەرەنسا 7 هەزار مردن زیاتر وە مدوو گەرما تومار کەێد
2026-09-04T10:31:27+00:00
شەفەق نیوز- پاریس
وەزیر تەندروسی فەرەنسی ستێفانی ریست، رووژ جمعە، خەوەردا لە تومارکردن نزیکەی 7 هەزار مردن زیاتر ماوەی شەپۆلەیل گەرمای سەخت ئی تاوسانە تا کووتاییەیل مانگ تەموز گوزەشتە.
ریست وەپای لێدوانیگ کە ئاژانس "رۆیتەرز" بڵاوی کرد وت کە داتایەیل کووتایی مەوقەی هەفتەیل ئایندە لەوەردەس بوون.
دەسەڵاتەیل تەندروسی لە وڵاتەگە مەزەنە کردن کە شمارەی مردنەیل رەسیەسە 5764 لەناوەین 17 حوزەیران، و دوو تەموز، ئەوەیش لە ریژەیل ئاسایی رەد کەێد.
دەوڵەتەیل ئەوروپا تاوسانیگ بیوینە لەی ساڵە وەخوەیان دین، شەپۆلەیل گەرمای سەخت و پەیمانەیی بۊنە مدوو زەرەدەیل گیانی و ماددی گەورایگ، لە وەختیگ داتایەیل فەرمی دەسنشان کەن ئەرا تومارکردن نزیکەی 16,300 مردن گریەدار وە گەرما لە ئەڵمانیا.
