فەرەنسا.. وەردەوەردە ناوەین کەنجەیەیلگ و پولیس و دەسگیرکردن ٩ کەس دویای پەلاماردان بنکەی ئاسایش
2024-03-18T13:56:53+00:00
شەفەق نیوز/ فەرماندەی پولیس پاریس لۆران نونێز، ئمڕوو دووشەممە، دەسگیرکردن نۆ کەس راگەیان، دویای پەلاماردان بنکەی پولیس لە دەورگرد پاریس لە وەخت دیریگ شەو یەکشەممە، دویای رویوەڕویبوین ناوەین کەنجەیەیلگ و هیزەیلیگ لە پولیس.
ئی رویوەڕویبوینە، دویای مردن گەنجیگ لە ناوچەی کورنۆف ل هەفتەی گوزەشتە تیەێد، دویای ئەوە کە رازی نەوی ماتوورسکڵەگەی وە فەرمان پولیس بووسنێد.
نونێز ئەرا کەناڵ ئێف1 تەلەڤزیۆنی وت: نۆ کەس دەسگیر کردیمنە، یەیش شمارەی کەمیگ نییە.
وتیش: ریکارەیل پولیس ئاسایش وەزوی گلەو دا.
باوەتەیل ئەمنی گرنگی فرەیگ لەلای دەسەڵاتەیل فەرەنسا دیرن، وەتایبەت وەگەرد ئامادەکاری پاریس ئەرا خول بازیەیل ئۆڵەمپیک لە ٢٦ تەمووز.
بەشیک لە شوینەیل بازیە ئۆڵەمپیکیەیل لە پاریس پایتەخت، کەفتنە وەر خراوەکاری لە کارەیل ئاژاوە لە تاوسان ساڵ ٢٠٢٣، و لە پشت کوشتن گەنجیگ لە بنچینەی مەغریبی وە گولەی پولیس.
