فرووشتن چشتەیل ناپلیۆن بۆناپارت وو نرخەیل فرە گران

شەفەق نیوز/ شمشیرەگەی ناپلیۆن بۆناپارت لەماوەی شۆڕشەگەی لەساڵ ١٧٩٩، وەگەرد ٥  دەوانچەی ئیمبراتۆرە فەرەنسیەگە ک وەرجە ٢٠٠ ساڵ مردگە، لە ئەمریکا وەرانوەر زیاتر لە ٢،٨ مەلیۆن دۆلار فرووشیا.           

شمشیرەگە ک گرنگترین بەشە لەناو ئەو چشتەیلە، وە دەس نیکۆلا نوێک بوتێە لەناوچەی فەرەسای نزیک پاریس دروس کریاگە،  و ناپلیۆن لە شۆڕشەگەی  ساڵ  ١٧٩٩ هەڵی گردگە.    

ناپلیۆن ک لە ساڵ ١٨٠٤ بۊیە ئیمبراتۆر، شمشیرەگەی پێشکەش کردە ژەنیڕاڵ ئەندوش جونۆ، و لە پشت مردنی، شمشیرەگە کەفتە ناو موزەخانەیگ لە لەندەن، ئیجا کەفتە لای کابرایگ ئەمریکی ک خوەشی لە گردەوکردن ئەنتیکە تیەێد.