کەفتن هلیکۆپتەریگ رووسی 3 کەس لەناوی بویە
![کەفتن هلیکۆپتەریگ رووسی 3 کەس لەناوی بویە](https://media.shafaq.com/media/arcella/1707123315291.jpg)
2024-02-05T08:55:53+00:00
شەفەق نیوز/ وەزارەت فریاگوزاری روسیا، ئمڕوو دووشەمە، راگەیان فرۆکەیگ هلیکۆپتەر لە جویر مەی ـ8 سەر وە وەزارەت فریاکەفتن رووسیا تێکشکیاس لە دەریاچەیگ ناوچەی کاریلیا لە باشوور وڵاتەگە کە تاقمیگ 3 کەسی لەناوی بویە وتیش وینەکردن لەژیر ئاو وەردەوامە.
وەزارەتەگە لەبان پلاتفۆرم تلیگرام وت "فرۆکەگە کە لە ئەرک راهێنان بویە وەلایەن تیمیگ وە ئەزموون فڕە دریایە".
فرۆکەگە وە شکیای پەیاکریاس هەنای لەبان رادار شاشەیلە دیار نەمەنیە لە دیر وەخت یەکشەممە لە دویری 11 کیلومەتر لە کناراوەیل دەریاچەی ئەونیجا کە دویەم گەپترین دەریاچەس لە ئەوروپا لە کاریلیا لە قویلەی 50 مەتر.
وەزارەتەگە وتیش، دەریاوانەیل و ماشینەیل ژیردەریایی کە لەدویرەو کۆنترۆل کرێد بڵاوبوینە لەژیر ئاوەگە نەتوەنستنە هویچ زانیارییگ لە ئەندامەیل تاقمەگە دەسیان بکەفێد.