عراق ها ناویان.. لیست مەترسیدارترین وڵاتەیل جهان لە کۆڕۆنا
شەفەق نیوز/ دەسڵاتەیل تەندروسی سویسری لیستیگ دەرکرد له باوه‌ت مەترسیدارترین وڵاتەیل لە تووشهاتن وە ڤایڕۆس کۆڕۆنا، ٢٩ دەوڵەت هاناوی، لەلیان ئەمریکا و بەڕازیل و پەنج دەوڵەت عەرەبی ك عراق یەکیگیانە.
دەسڵاتەیل تەندروسی سویسری دیاری کردن ک لە رووژ دووشەممە ٦ تەمووز ئەوەسا پابەند گەشتیارەیل کەێد ک لەی وڵاتەیلەو تیەێن وە ١٠ رووژ کەرەنتین تەندروسی.
وەگورەی بەیاننامەگان ک کەرت ناودەوڵەتی سەر وە دەزگای ئیزگەو تەلفزیۆن سویسری بڵاوی کرد، ک ئی وڵاتەیلە فەرترین مەترسیدارن، هەمیش سیربیا و کۆسۆفۆ گریدەو.
دەسڵاتەیل سویسری دیاری کرد ک ئی خشتە لە ریکارەیل مقەیەتە نووەگان تیەێد، ک دانریا ئەرا نواگردن لە شەپۆل دویەم پەتای کۆڕۆنا، دویای زیایبوین رێژەی تووشەگان لە هەفتەی گوزەیشتە.
ئاماژەدا؛ لە هووکارەیل ئی خشتە گواستنەوەی پەتاگەس لە ئەو گەشتیارەیلە ک لە دەیشتەو تیەن، چ لە سویسریەگان بوود ک چن ئەرا ئەو دەوڵەتەیلە ک باسی کرد وە فره مەترسیدار ، و لەوەخت هاتنیان ڤایڕۆسەگە وەل خوەیان تیه‌رن ئەرا سویسرا.
لیستەگە ئەرجەنتین گردەو، و ئەرمینیا و ئازەربەیجان و بەحرەین و بیلارووس و بۆلیڤیا و بەڕازیل و سەر سەوز و چیلی و کۆلومپیا و کۆمار دومینیکان و هینداڕۆس و عراق و کۆسۆڤۆ و کوەیت و مولداڤیا و باکوور مەقدۆنیا و عومان و بەنەما وبیرۆ و رووسیا وسعودیە و سوید و سیربیا و باشووڕ ئەفریقیا و دوورگەی ترکس وکایکۆس و ئەمریکا.
