عراق لە پلەی ٦٤ لە نشانەی ورسگی لەماوەی ساڵ گوزەشتە
شەفەق نیوز/ دوو ریخریاگ ئەڵمانی و ئێرلەندی کە پسپۆڕن لە نشانەیل ورسگی و لاتی، دەرخست کە عراق کەفتیەسە پلەی ٦٤ لە نشانەی ورسگی جەهانی لەماوەی ساڵ ٢٠٢٣.
خشتەی ریخریاگ "Welthungerhilfe" ئەڵمانی و"Worldwide Concern" ئێرلاندی، کە ئاژانس شەفەق نیوز لەلی ئاگادار بوی، نشان دا کە عراق کەفتە پلەی ٦٤ وە ١٣.٨ خاڵ لە بنچینەی ١٢٥ دەوڵەت ناو لیستەگە، کە وە دو. پلە لە ساڵ ٢٠٢٢ هاتیەسە خوار، کە کەفێدە خانەی ورسگی ناوڕاس.
وتیش: عراق نشانەی ورسگی لەناوی داوەزیا، دویای ئەوە کە لە ساڵ ٢٠٢٢ رەسیە ٢٣.٦ خاڵ، کە لە ساڵ ٢٠٠٨ ئەرا ٢٠.٣ خاڵ داوەزیا، ئیجا لە ساڵ ٢٠١٥ ئەرا ١٦.٥ خاڵ داوەزیا، ئیجا ئەرا ١٣.٨خاڵ لە ساڵ ٢٠٢٣.
نشانەی ورسگی ئەرا پەنج چین بەشەو کریا، کە ئاست زیان دەوڵەتەیل نشان دەێد، و چین یەکەم وە رەنگ سەوز هات لە سفر تا ٩.٩ خاڵ، ئەرا ئەو دەوڵەتەیلە کە ورسگی نەیرن، و چیت دویەم لە ١٠ تا ١٩.٩ خاڵ، و سێیەم چین لە ٢٠ تا ٣٤.٩ خاڵ، و چوارەم چین لە ٣٥ تا ٤٩.٩ خاڵ کە وە رخدار دریەێدە قەڵەم، و پەنجەمەگە لە ٥٠ وەرەوبانە، کە وەپی ئویشن فرە نیگەرانییە.
لەناو وڵاتەیل عەرەبی، کوێت ئیجا ئیمارات و تونس و جەزائیر و سعودیە و مەغریب و عومان لەشوینیەک هاتن لەناو نشانەیل وەرسگی نزم، ئیجا لوبنان و میسر و عراق لەشوینیەک لە چین ناوڕاس، و ئوردن لە پشتیان تیەێد و سوریا کەفێدە ئاسا رخداری، و سودان و یەمەن و سۆماڵ کەفتنەسە چین فرە نیگەرانیی.
لە ئاست جەهان، بیلاڕووسیا و بۆسنە هەرسک و چیای و چین و کرواتیا و ئیستۆنیا و جۆرجیا لەناو پلەیل یەکەم بویت لە کەمترین نشانەی ورسگی، و باشوور سودان و بۆرۆندی و سۆماڵ کەفتنە دویادویای لیستەگە.
