شییر و مار چەکدارەیلیگ لە (داعش) لە مۆزەمبیق لەناو دەن
2022-10-01T13:41:31+00:00
شەفەق نیوز/ ئاژەڵەیل دەیشتی جویل شییر ومارەیل بوینە هووکار لەناوبردن چەکدارەیلیگ لە ریخریاگ داعش ک جەنگ وەرد هیزەیل حکومەتی کەن، لە ناوچەیگ لە باکوور مۆزەنمبیق ک دەوڵەمەنە وەگاز سروشتی.
سایت The Times بەریتانی لد زوان فەرماندەی پۆلیس، برنزردینۆ رافائێل وت: ئەو پەلامارەیلە لەلایەن ئاژەڵەی خریەنە بان ئامار کوشیان لە چەکدارەیل وەگەرد کوشیان ئۆپراسیۆنەیل سەربازی، دویای ئەوەگ چەکدارەیلیگ چینە ناو ئاوایەیل لە ناوچەی کابو دیلگاو، باکوور مۆزەمبیق، ک بویە هووکار کوشیان کەسەیلیگ و ئاگرداین ماڵەیلیگ.
رافائێل وتیش: ١٦ چەکدار لە ریخریاگ داعش نریانە خاک، ک فرەیان وە پەلامار ئاژەڵەیلیگ جویر شییر وگامیش ومار و تیمساح کوشیانە.
مۆزەمبیق لە ساڵ ٢٠١٧ کەفتە وەر کارەیل تونەڕەوی لە کایو دیلگاو ک وەگاز دەوڵەمەنە، و جەنگەگە لە نزیک پڕۆژەیل غاز سروشتی کریەێد.
