شوون به‌غدادى وه ياوه‌رێ سه‌دان له چه‌كداره‌يلى ئاشكرا كريا
2018-09-23T17:02:00+00:00
شه‌فه‌ق نيوز/ رووژنامه‌ى شه‌رقولئه‌وسه‌ت، ئه‌وه ده‌رخست ك ئه‌بو به‌كر به‌غدادى سه‌ركرده‌ى ريكخرياگ تيرۆريستى داعش جيواز بويه ئه‌را ناو خاكيل ئه‌فغانستان وه‌تايبه‌ت ئه‌را ولايه‌ت نه‌نجرهار، ئه‌ويش دوياى گوزه‌ركردنى وه ناو خاكه‌يل ئيرانى.
رووژنامه‌گه له زووان سه‌رچه‌وه‌يليگ ئه‌منيى پاكستانى وت: جيوازبوين به‌غدادى دوياى ره‌سيه سه‌دان كه‌س له چه‌كداره‌يل ريكخرياگ داعش بويه ئه‌را هه‌رێم نه‌نجرهار له ماوه‌ى 6 مانگ گوزه‌يشت دوياى گوزه‌ركردنى وه‌ناو خاكه‌يل ئيرانى وه تايبه‌ت له شار زاهدانه‌و له خوه‌رهه‌ڵات ئيران.
جى باسه، رووژنامه‌گه له‌زووان سه‌رچه‌وه‌يلێ وت: ريكخرياگ تيرۆريستى داعش مقه‌يه‌تى له ديواخان زيافه‌ت چه‌كداره‌يلى ئه‌كا له ولايه‌ت نه‌نجرهار وه ئاگادارى و ريككفتن وه‌ل پاسه‌وان شووڕش ئيرانى.
